BREVE RESEÑA HISTÓRICA DO PAZO DE MEIRÁS
A pesar do seu
aspecto medieval, a antigüidade das Torres de Meirás non se remonta mais aló do
século pasado. A escritora Emilia Pardo Bazán, nada na Coruña o 16 de setembro
de 1851, poseía neste lugar unha finca e as ruinas dunha casa forte da súa
familia, que fora destruida polas tropas francesas durante a guerra da
independencia no ano 1809. Ese primitivo pazo ou casa forte pertencía desde o
século XVI aos Patiño de Bergondo, que se uniron por enlaces matrimoniais cos
Pardo de Lama, dos que descendía a escritora coruñesa e que poseía o título de
condesa (Condesa de Pardo Bazán). Este título fora concedido por Alfonso XIII
en recoñecemento a súa importancia no mundo literario, e a escritora comezou a
empregalo en 1908
Foi ela a que
ideou a finais do século XIX a construcción do novo Pazo (a construcción que
coñecemos hoxe) poñendose a primeira pedra en 1893. Alí pasaba grandes
tempadas, escribía e tiña reunións con literatos . Cabe suliñar a estancia no
Pazo de Meirás de Unamuno o 19 de xuño de 1903 convidado por Emilia Pardo
Bazán. Unamuno viñera por esas datas a A Coruña para pronunciar unha
conferencia no Teatro Principal desta cidade convidado polo Circulo de
Artesanos. Compoñen o conxunto tres torres almenadas desiguais. As duas torres
frontais están unidas por un pequeño edificio que aloxa un solenme vestíbulo, e
entre as outras douas está a capela, cunha portada románica autentica
(trasladada doutro lugar). Nesta capela celebrou a súa voda a propria escritora
o 10 de xullo de 1868. Tamén podense atopar alí pezas arqueolóxicas
interesantes, cruceiros, fontes, balaustres, escudos... traidos doutros Pazos
(Sada, Ximonde, Hermida) nomeadamente nos tempos nos que Francisco Franco
empregouno como residencia no verán. Cabe suliñar que a maioría destas pezas
foron “regalos” feitos por concellos e outras administracións durante a estadía
de Franco no Pazo, ou “caprichos” da esposa do Caudillo, Carmen Polo, que foi
expoliando o patrimonio cultural galego. De Carmen Polo era coñecida a súa
afición polas antigüidades, ben nos anticuarios (onde nunca pagaba), ou ben
polas pezas de grande valor arquitectonico que se atopaban por todos os
recunchos de Galiza, e que eran transladados ao Pazo se Carmen Polo se
encaprichaba con eles
No andar superior
da torre que mira cara Sada, tiña a condesa Emilia Pardo Bazán a sua
biblioteca, que en parte conservase na sede da Real Academia Galega en A
Coruña. Naquela torre, que ela chamaba a da Quimera escribía os seua artigos e
libros.
A HISTORIA DA COMPRA DO PAZO
DE MEIRÁS
Tras a morte de
Emilia Pardo Bazán o 12 de maio de 1921, e do seu fillo Jaime finado en Madrid
en 1936, as súas propietarias lexitimas pasaron a ser Blanca Quiroga de Pardo
Bazán (filla de Emilia Pardo Bazán) e Manuela Esteban Collantes (Viuva de
Jaime). As duas supervivintes propietarias do Pazo de Meirás decidiron donar o
Pazo á Compañía de Xesús para que fose destiñado a noviciado, pero dita ordén
non aceptou as condicións postas polas lexitimas propietarias. Foi entón cando
as autoridades franquistas coruñesas, que pensaban nun pazo para agasallarselo
a Franco como residencia veraniega. A tal efecto constituiran unha comisión, e
foi esta quen se puso en contacto cos donos de Meirás.
Esta comisión
denominabase “Junta Provincial Pro Pazo del Caudillo” e estaba capitaneada polo
Gobernador Civil de A Coruña, Julio Muñoz Aguilar e polo banqueiro Pedro Barrie
de la Maza. Xunto a estes dous persoaxes moi vinculados ao circulo intimo do
xeneral, destacaron os Alcaldes Franquistas de A Coruña Fernando Alvarez de
Sotomayor, que ocupou a Casa Consistorial desde novembro de 1938 ata marzo de
1939, e Alfonso Molina Brandao, que disfrutou do mando municipal desde 1947 ate
1958, así como os millonarios adeptos ao novo réxime: Jose María Rivero de
Aguilar, Jacobo López Rua, José Casteleiro Varela, Jose María Marchessi, José
Luis Bugallal e Joaquin Barcia Goyanes. Julio Muñoz de Aguilar foi recompensado
co lucrativo cargo de Jefe de la Casa Civil del Generalisimo e administrador do
Patrimonio Nacional. Barrie de la Maza foi máis tarde ennoblecido por Franco,
que en 1955 otorgoulle o título de Conde de FENOSA.
O prezo de venta
foi de 400.000 pesetas ainda que en outra documentación dise que foron 725.000
pesetas e noutra 450.000.
QUE É O QUE COMPRA A “JUNTA PROVINCIAL PRO
PAZO DEL CAUDILLO”
As propiedades
que se lle entregaron a Franco na doazón non se corresponden coas propiedades
que poseían as lexitimas propietarias no ano 1937, heredadas de Emilia Pardo
Bazán.
Realmente o que
esta “Junta” lle comprou aos seus propietarios foron as Torres e unha extensión
aproximada que representaba a metade da extensión que ten hoxe. No momento da
compra non existían os muros exteriores (so unha pequena parte na zona onde
tiña a entrada principal, xunto a unha estrada eliminada tras a compra e que
era coñecida como a do “Enrreixado”), como tampouco moitos elementos que hoxe
conforman as propiedades do Pazo. Aproximadamente foron “incorporadas” ás
propiedades que lle foron doadas a Franco outro tanto do que foi comprado aos
herdeiros de Pardo Bazán, e que esta Junta adquiriu con todo tipo de artimañas.
Estas prpoiedades figuran inscritas a nome de Francisco Franco Bahamonde e
familia no Rexistro da Propiedade de Betanzos.
|
Foto aerea do Pazo de Meiras realizada na
decada dos 40. Ainda que as obras de remodelación xa están executadas, podese
apreciar os terreos que foron “anexadas” ás propiedades que foron doadas a
Franco marcadas por unha liña de puntos na zona arborada que aparece na foto. |
|
Foto aerea do Pazo de Meirás realizada no
ano 2003. |
Estas
propiedades, que rodeaban ao Pazo, consistian nomeadamente en terreos de
labradío, que foron expropiados baixa a amenaza e a estorsión, e que en moitos
casos, non houbo compensación económica algunha. Tamén expropiouse unha casa co
seu terreo e outro terreo onde se construiu un deposito de auga para servizo do
Pazo, aproximadamente a uns 150 metros da entrada principal.
Esto no que se
refire aos terreos perto do Pazo. Moitos outros foron tamén roubados na zona da
estrada que conduce Santa Cruz (Oleiros) a Meirás co fin de amañar e anchear
dita estrada.
COMO SE FINANCIA A COMPRA DO
PAZO DE MEIRÁS
Hai
que ter en conta que a “Junta Provincial pro Pazo del Caudillo” tiña o control
das institucións públicas tomadas polos golpistas tras o alzamento militar do
17-18 de xullo de 1936. A tal efecto descontaran das nóminas dos funcionarios
do Concello de A Coruña e da Deputación Provincial unha porcentaxe do seu
salario. Ademáis editaran uns bonos de aportación “voluntaria” onde as
autoridades fixaban as cantidades a aportar. Desde logo e de supoñer, que dadas
as circunstancias , a maioría contribuiu por temor a ser tachados de desleais.
O diñeiro
recadado serviu para comprar as antigas propiedades de Emilia Pardo Bazán, executar
as bras de mellora (construcción dos muros, garitas, e forxados exteriores,
traida de augas e contrucción dun deposito regulador, reforma da casa de pedra
expropiada aos seus propietarios, melloras interores do pazo, instalación da
rede telefonica, xardíns, melloras electricas, construcción do “Paziño” para
uso e disfrute de “Carmencita”, unica filla de Franco, contrucción de viales
interiores na finca, etc, etc.).
A esto hai que
engadirlle o que aportou a Deputación de A Coruña en colaboración coa “Junta”
na mellora e ornamentación da estrada que vai da Coruña a Meirás, expropiando fincas para anchear esta,
asfaltado (naquela época ese vial era de terra), eliminando curvas e peraltes,
etc.
Á vista disto,
parece unha autentica tomadura de pelo, que despois de 30 anos da morte de
Franco ainda se diga hoxe que o Pazo de Meirás foi un regalo do pobo da Coruña
a Franco.
CANDO
SE COMPRA O PAZO DE MEIRÁS
Formalmente,
segundo figura no pergamino de doazón a Franco, o 18 de marzo de 1938, ainda
que él o recepciona o 5 de decembro, nun acto organizado pola “Junta Provincial
Pro Pazo del Caudillo” no proprio Pazo de Meirás.
No momento (ou
antes) de facerse a compra, inicianse os traballos de remodelación, nos que no
seu deseño incluso participou, antes de que lle fose donado oficialmente,
Carmen Polo, esposa de Francisco Franco.
Neste senso
existe documentada, cando menos, duas visitas de Carmen Polo no transcurso das
obras, como si xa se tratase dunha propiedade de Franco Así, o 25 de agosto de
1938 o Alcalde de Sada deu conta á Corporación de que:
“chegara
felizmente ao Pazo de Meirás a esposa do Generalisimo. Con tal motivo puxo de manifesto a intima satisfacción e
viva compalcencia que este feito producía pola honra que supoñía tela residindo coa sua bella e simpatica filla
Carmencita na finca que a provincia
de A Coruña regalou ao noso invicto caudillo, cuia vida, como a dos seus desexa o concello sexan moi longas
para ben de España”
Tamén, o 5 de
setembro, na sesión celebrada nese día pola Deputación Provincial de A Coruña,
o seu Presidente (Emilio de las Casas Soriano)
“da conta da visita feita pola Corporación á
Exma. Sra. Dª. Carmen Polo de Franco, esposa do Generalísimo, facendo presente
a bondadosa atención con que os visitantes foron recibidos por tan ilustre
dama, nas Torres de Meirás”.
O ACTO DE DOAZÓN A FRANCO O 5 DE DECEMBRO DE
1938
Franco asina a
aceptación das “Torres de Meirás” no proprio Pazo o 5 decembro de 1938 a onde
se desprazara desde Santiago de Compostela onde asistira a unha misa na
catedral co fin de gañar o xubileo . O texto do documento que asina Franco é o
seguinte:
“En el día 28 de marzo de nuestro segundo
año triunfal año del señor de mil novecientos treinta y ocho, la Ciudad y
Provincia de La Coruña hicieron la ofrenda –donación de las Torres de Meirás al
fundador del nuevo imperio, Jefe del Estado, Generalísimo de los Ejercitos y
Caudillo de España Francisco Franco Bahamonde. Galicia que le vió nacer, que
oyó su voz el dieciocho de julio, que le ofreció la sangre de sus hijos y el
tesoro de sus entrañas, que le siguió por el camino del triunfo en la unidad,
grandeza y libertad de la patria, asocia en esta fecha para siempre el nombre
de Franco a su solar, en tierras del Señor Sant Yago, como una gloria más que
añadir a su historia.
Ao tempo, Franco
pronunciou un discurso onde entre outras cuestións, dixo “ Acepto el obsequio
gustoso y exclusivamente por tratarse de una donación de mis queridos
paisanos”.
Ese mesmo día a
Deputación celebraba unha sesión da Comisión Xestora constanado na acta desta:
“ A continuación, el Sr. Presidente da
cuenta de la estancia en las Torres de Meirás del Jefe
del Estado, Generalísimo de los Ejercitos nacionales, Exmo. Sr. D. Francisco Franco Bahamonde, y para rendir a
tan elevada personalidad el debido
homenaje, propone que se levante la sesión y que la Corporación se traslade a dicha residencia. La Corporación así lo
acuerda. Y se levantó la sesión.”